Turining «Yuventus» jamoasi o'zining rasmiy veb-saytida, 2020/2021 yilgi mavsumning olti oyi uchun moliyaviy hisobotini e’lon qildi.

2019/2020 mavsumining xuddi shu davriga qiyosan, xarajatlar 263,4 million evro miqdoriga oshdi. Klub ma’lumotlariga ko‘ra, ushbu davrdagi yo‘qotishlar 113,7 million evroni tashkil qildi.

Shuningdek «Yuventus» pandemiyaning davom etishi daromadlarga katta va salbiy ta’sir ko‘rsatganini ma’lum qilgan. Qayd etish mumkin, Turin klubi, ushbu mavsum Italiya A Seriyasida 45 ochko to‘plagan holda, turnir jadvalida uchinchi o‘rinni egallab turibdi.

Shuningdek, «zebralar» 19-may sanasida Italiya kubogi finali doirasida «Atalanta» bilan bahs olib olib borishadi. UYEFA Chempionlar Ligasida doirasida esa jamoa 1/8 finalning birinchi o‘yinida «Portu»ga, 1:2 hisobida imkoniyatni boy bergan.