Турининг «Ювентус» жамоаси ўзининг расмий веб-сайтида, 2020/2021 йилги мавсумнинг олти ойи учун молиявий ҳисоботини эълон қилди.
2019/2020 мавсумининг худди шу даврига қиёсан, харажатлар 263,4 миллион эвро миқдорига ошди. Клуб маълумотларига кўра, ушбу даврдаги йўқотишлар 113,7 миллион эврони ташкил қилди.
Шунингдек «Ювентус» пандемиянинг давом этиши даромадларга катта ва салбий таъсир кўрсатганини маълум қилган. Қайд этиш мумкин, Турин клуби, ушбу мавсум Италия А Сериясида 45 очко тўплаган ҳолда, турнир жадвалида учинчи ўринни эгаллаб турибди.
Шунингдек, «зебралар» 19-май санасида Италия кубоги финали доирасида «Аталанта» билан баҳс олиб олиб боришади. УЕФА Чемпионлар Лигасида доирасида эса жамоа 1/8 финалнинг биринчи ўйинида «Порту»га, 1:2 ҳисобида имкониятни бой берган.
