«Manchester Siti» bosh murabbiyi Pep Gvardiola Angliya chempionatining 26-turidan o‘rin olgan «Vest Xem»ga qarshi o‘yin (2:1) borasida o‘z fikrini bildirib o‘tdi.

«Bugungi o‘yinni tomosha qilgan har bir odam bahs qiyin kechganini sezdi. Bu juda qiyin raqib. «Vest Xem»ga olqishlarim, 26-turdan keyin ular kuchli to‘rtlikka kirshagn. Bu katta mehnat samarasi.

Ketma-ket 20ta o‘yinda qo‘lga kiritilgan g‘alaba — biz erishgan ulkan natija. Bu esa APLda albatta g‘olib chiqishimizni anglatmaydi. Ammo qishki davrni, har uch kunda bitta o‘yin o‘tkazayotganimizni va koronavirus bilan bog‘liq vaziyat va jarohatlarni inobatga olganda, mazkur g‘alabalar bizning ruhiy jihatdan kuchli ekanimizni ko‘rsatadi.

Biz sovrin yutishni istaymiz. Ayni paytdagi seriyamiz — favqulodda kam uchraydigan narsa. Odatda futbolda ochkolar yo‘qotiladi», — dedi Gvardiola.