Italiya A Seriyasining 24 turi doirasida «Roma» Rimda «Milan» bilan to‘qnash keldi. «Olimpiko» stadionida bo‘lib o‘tgan o‘yinda mezbonlar mehmonlarga 1:2 hisobida imkoniyatni boy berishdi.
Dastlabki daqiqalarda maydon egalari keskinlik yuzaga keltirgan holda, raqib jarima maydonchasi ichida xavfli vaziyatlar yuzaga keltirishdi, biroq ulardan foydalanishda ancha oqsashdi.
Taym so‘nggiga kelib, milanliklarning kam sonli hujumlaridan biri rimliklar darvozasiga belgilangan penaltiga yetib bordi va undan Kessye bexato foydalandi. Ikkinchi bo‘lim boshlarida mezbonlar hisobni tenglashtirishga muvaffaq bo‘lishdi.
Lekin, oradan bir necha daqiqa o‘tgach milanliklar yana raqib darvozasini ishg‘ol etib, o‘yinning qolgan qismida ustunlikni o‘z tomoniga og‘dirgan holda, uchrashuvni g‘alaba bilan yakunlashdi.
Ushbu natijadan so‘ng, «Milan» hisobidagi 52 ochko bilan, birinchi o‘rindagi «Inter»ni ta’qib etishda davom etdi. 44 ochko to‘plagan «Roma» esa beshinchi pog‘onda bormoqda.
"Roma" – "Milan" 1:2 (0:1, 1:1)
«Stadio Olimpiko»
Gollar: 0:1 – 43, penalti Kessie, 1:1 – 50 Veretu, 1:2 – 58 Rebich.
"Roma" – Lopes, Karsdorp, Fasio (Bruno Peres, 62), Manchini, Spinassola, Veretu (Diavara, 79), Kristante, Mxitaryan, Vilyar (El-SHaaravi, 70), Pellegrini, Mayoral (Pedro, 79).
"Milan" – Donnarumma, Kyer, Teo, Tomori, Kalabriya, Tonali (Meyte, 83), Salemakers (Kastilyexo, 83), Chalxanoglu (Braim Dias, 46), Kessie, Rebich (Krunich, 67), Ibragimovich (Rafael Leau, 56).
Ogohlantirishlar:
Fasio (41), Salemakers (46), Mxitaryan (80), Kalabriya (85), Pellegrini (89), Kastilyexo (90).
