Италия А Сериясининг 24 тури доирасида «Рома» Римда «Милан» билан тўқнаш келди. «Олимпико» стадионида бўлиб ўтган ўйинда мезбонлар меҳмонларга 1:2 ҳисобида имкониятни бой беришди.

Дастлабки дақиқаларда майдон эгалари кескинлик юзага келтирган ҳолда, рақиб жарима майдончаси ичида хавфли вазиятлар юзага келтиришди, бироқ улардан фойдаланишда анча оқсашди.

Тайм сўнггига келиб, миланликларнинг кам сонли ҳужумларидан бири римликлар дарвозасига белгиланган пеналтига етиб борди ва ундан Кессье бехато фойдаланди. Иккинчи бўлим бошларида мезбонлар ҳисобни тенглаштиришга муваффақ бўлишди.

Лекин, орадан бир неча дақиқа ўтгач миланликлар яна рақиб дарвозасини ишғол этиб, ўйиннинг қолган қисмида устунликни ўз томонига оғдирган ҳолда, учрашувни ғалаба билан якунлашди.

Ушбу натижадан сўнг, «Милан» ҳисобидаги 52 очко билан, биринчи ўриндаги «Интер»ни таъқиб этишда давом этди. 44 очко тўплаган «Рома» эса бешинчи поғонда бормоқда.

"Рома" – "Милан" 1:2 (0:1, 1:1)
«Стадио Олимпико»

Голлар: 0:1 – 43, пенальти Кессиэ, 1:1 – 50 Верету, 1:2 – 58 Ребич.

"Рома" – Лопес, Карсдорп, Фасио (Бруно Перес, 62), Манчини, Спинаццола, Верету (Диавара, 79), Кристанте, Мхитарян, Вильяр (Эль-Шаарави, 70), Пеллегрини, Майораль (Педро, 79).

"Милан" – Доннарумма, Кьер, Тео, Томори, Калабрия, Тонали (Мейте, 83), Салемакерс (Кастильехо, 83), Чалханоглу (Браим Диас, 46), Кессиэ, Ребич (Крунич, 67), Ибрагимович (Рафаэл Леау, 56).

Огоҳлантиришлар:
Фасио (41), Салемакерс (46), Мхитарян (80), Калабрия (85), Пеллегрини (89), Кастильехо (90).