“Liverpul“ bosh murabbiyi Yurgen Klopp jamoasining APL, 26-tur doirasidagi “Sheffild Yunayted“ga qarshi (0:2) qayd etgan g‘alabasi haqida fikr bildirdi.
“Sheffild Yunayted“ bu mavsumda juda ko‘p yutqazdi, ammo ular bilan uchrashuvlar oxirigacha hayajonli bo‘lib qolishi aniq. Biz juda yaxshi o‘ynadik. Birinchi bo‘limda uchta gol urishimiz mumkin edi. Hujumda ham yaxshi harakat qildik, ammo yanada yaxshilanishimiz kerak.
Kyortis Jons - ajoyib o‘yinchi. Shuning uchun ham u maydonda. Barcha yosh futbolchilar bilan bo‘lgani kabi, u ham yaxshilanish uchun imkoniyatlarga ega va unga to‘g‘ri yul kursatib, tanqid qilib turish foydadan holi emas. Bugun biz hali ham kurashdan chiqmaganimizni ko‘rsatmoqchi edik.
Xuddi shu narsani payshanba kuni “Chelsi“ bilan o‘yinda ham namoyish etishimiz kerak. Barcha uchrashuvlarda g‘alaba qozonishimiz kerak. Chunki yaxshi natijasiz Chempionlar Ligasi yo‘llanmasiga ega chiqish mushkul. Biz faqat oldinga harakat qilishda davom etamiz“, - deya nemis mutaxassisining so‘zlarini keltiradi BBC
