"Liverpul" ustozi Yurgen Klopp «Chelsi»ga qarshi o‘yindan keyin o‘z fikrlarini bildirib o‘tdi.
O‘yin teng va keskin kurashlar ostida o‘tdi. Biroq Maunt barchasini hal qildi. Birinchi bo‘limda raqibning goli ofsayd tufayli bekor qilindi. Bizda ko‘proq yaxshi vaziyatlar yuzaga keldi deb o‘ylayman. Mane ajoyib imkoniyatdan foydalana olmadi. O‘z xatoyimiz tufayli bitta gol o‘tkazib yubordik.
Afsuski, faqat o‘z maydonimizda muammolarga duch kelyapmiz. Hal qiluvchi vaziyatlarda yaxshiroq o‘ynashimiz, mahoratimizni namoyish etishimiz kerak. Har doim ham bunga erisha olmayapmiz. Bu jiddiy zarba, ammo yakun emas. Endi mag‘lubiyatga uchrashga haqqimiz yo‘q, - deydi Klopp.
