Germaniya Bundesligasi 24 - tur doirasidagi eng markaziy uchrashuv «Bavariya» va «Borussiya D» jamoalari o‘zaro qarama-qarshilikda maydonga tushishdi. Uchrashuvni shiddatli va gollarga boy tarzda o‘tishiga hech ham shubha yo‘q edi va amalda ham shunday bo‘ldi. O‘yinni daxshatli tarzda boshlagan dortmundliklar, uchrashuvning 10 - daqiqasigacha 2 marta raqibi darvozasini ishg‘ol qilishga erishgandi. Erling Xoland 2 va 9 - daqiqalarida tezkor gol urib, jamoasining 2;0 hisobidagi g‘alabasini ta’minladi, ammo keyingi soniyalarda o‘z o‘yinini tiklagan myunxenlik futbolchilar ketma-ket hujumlar uyushtirishga erishdi. Bu hujumlar samarasi 26 - daqiqaga kelib, o‘z so‘zini aytdi. Leroy Sanedan ajoyib pasni qabul qilib olgan Levandovski uchrashuvdagi hisobni qisqartirishga erishdi. 44 - daqiqaga kelib esa, polshalik futbolchi penalti gol urib, dublni rasmiylashtirib, o‘yindagi hisobni 2:2 ko‘rinishiga keltirib qo‘ydi va 1-taym mazkur hisobda yakunlandi. Ikkinchi taym ham qarama-qarshi hujumlar bilan boshlandi, lekin yaratilgan vaziyatlardan hech qaysi jamoa foydalana olmadi. O‘zgartishlar bilan jamoasini kuchaytirgan «Bavariya» murabbiyi, uchrashuvda ochko yo‘qotishni umuman xohlamadi. Shuning uchun, jamoasini faqat oldinga borishga undadi. 88 - daqiqaga kelib «Bavariya» uchrashuvdagi hisobda oldinga chiqib olishga erishdi. Goretska ajoyib gol urib hisobni 3:2 ko‘rinishga keltirib qo‘ydi. 90 - daqiqadagi polshalik hujumchi Robert Levandovski jamoasining 4, o‘zining esa 3 - golini kiritishga erishdi. Yakuniy hisob 4:2, «Bavariya» g‘alabasi.
«Bavariya» - «Borussiya D»: 4:2
Gollar: Levandovski 26, 44, 90+1, Goretska, Xoland 2, 9.
