Italiya A seriyasining 26-turidan o‘rin olgan "Inter" va "Atalanta" uchrashuvida mezbonlar 1:0 hisobida g‘alaba qozonishdi. Garchi uchrashuvning birinchi taymi qarama-qarshi hujumlar ostida kechgan bo‘lsada, hisobni ochish hech bir jamoaga nasib qilmadi. Ikkinchi taym boshida , aniqrog‘i 54-daqiqada Konte shogirtlari hisobni ochishga erishdi. Burchakdan oshirib berilgan to‘pni, jarima maydoni ichidagi pala-partishlikdan foydalanib qolgan Milan Shkriniar "Atalanta" darvozasiga kiritdi. Qolgan daqiqalar ham teng kurashlar ostida va qiziqarli kechgan bo‘lsada, hisobni o‘zgartirish hech bir jamoaga nasib etmadi.

"Inter" - "Atalanta" 1:0

Gol: Shkriniar (54)

"Inter": Xandanovich, Bastoni, Shkriniar, De Vrey, Barella, Xakimi D'Ambrozio 84), Brozovich (Galyardini 77), Vidal (Ereksen 52), Perishich (Darmian 85), Martines (Sanches 77), Lukaku.

"Atalanta": Sportyello, De Ron, Jimsiti (Palomino 81), Mexle, Pessina (Miranchuk 73), Romero, Froyler (Pashalich 81), Gosens, Malinovskiy (Ilichich 46), Toloi, Sapata (Myuriel 70).