Superliganing 1-turidan o‘rin olgan «Bunyodkor» - «Mash’al» (1:0) uchrashuvidan keyin o‘tkazilgan matbuot anjumanining birinchi qismida mehmonlar ustozi Aleksandr Xomyakov ishtirok etdi.

- Uzoq kutilgan yangi mavsum start oldi. Umid qilamizki, mavsum omadli keladi. Muxlislarimizni xursand qilamiz. Bugun qiziqarli uchrashuv guvohiga aylandik. Futbolda qaysidir jamoa yutishi, boshqasi mag‘lub bo‘lishi tabiiy hol. Afsuski, bugun biz mag‘lubiyatga uchradik.  Durangga loyiqroq o‘yin ko‘rsatdik. Fikrimcha, mezbonlarga qaraganda golga tortadigan ko‘proq vaziyatlarni yuzaga keltirdik, biroq foydalana olmadik. O‘tkazib yuborilgan gol ham alamli tarzda darvozamizdan joy oldi. Tanaffusdan so‘ng «svejiy» holatda bo‘lishimizga qaramasdan e’tiborsizlik qilib, gol o‘tkazvordik. Kiyim almashtirish xonasidan chiqib, gol o‘tkazish yoqimsiz. Bu birinchi o‘yin, albatta navbatdagi bahslarda vaziyatni o‘nglashga harakat qilamiz.