Суперлиганинг 1-туридан ўрин олган «Бунёдкор» - «Машъал» (1:0) учрашувидан кейин ўтказилган матбуот анжуманининг биринчи қисмида меҳмонлар устози Александр Хомяков иштирок этди.
- Узоқ кутилган янги мавсум старт олди. Умид қиламизки, мавсум омадли келади. Мухлисларимизни хурсанд қиламиз. Бугун қизиқарли учрашув гувоҳига айландик. Футболда қайсидир жамоа ютиши, бошқаси мағлуб бўлиши табиий ҳол. Афсуски, бугун биз мағлубиятга учрадик. Дурангга лойиқроқ ўйин кўрсатдик. Фикримча, мезбонларга қараганда голга тортадиган кўпроқ вазиятларни юзага келтирдик, бироқ фойдалана олмадик. Ўтказиб юборилган гол ҳам аламли тарзда дарвозамиздан жой олди. Танаффусдан сўнг «свежий» ҳолатда бўлишимизга қарамасдан эътиборсизлик қилиб, гол ўтказвордик. Кийим алмаштириш хонасидан чиқиб, гол ўтказиш ёқимсиз. Бу биринчи ўйин, албатта навбатдаги баҳсларда вазиятни ўнглашга ҳаракат қиламиз.
