Afsonaviy hujumchi Pele rasmiy o‘yinlarda kiritilgan gollar bo‘yicha braziliyalikning rekordini yangilagan «Yuventus» hujumchisi Krishtianu Ronalduni qutladi.
«Krishtianu, hayot - bu yakkaxon parvoz. Men senga qoyil qoldim. Har kimning o‘z sayohati bor va bu sening ajoyib safaring! Men sening harakatlaringni tomosha qilishni yaxshi ko‘raman, bu hech kimga sir emas.
Rasmiy o‘yinlardagi gollar bo‘yicha rekordimni yangilaganing bilan tabriklayman. Bugun seni do‘stona quchoqlay olmaganimdan afsusdaman. Ammo, men ushbu fotosuratni sening sharafinga katta muhabbat bilan uzoq yillar davom etgan do‘stlik ramzi sifatida qoldiraman»- deb yozgan Pele o‘zining instagram sahifasida.
Eslatib o‘tamiz, Ronaldu «Kalyari» bilan o‘yinda uchta gol urdi(3:1) va rasmiy o‘yinlardagi gollar sonini 770 ga yetkazgan holda, 767 gol urgam Peleni ortda qoldirdi.
