Афсонавий ҳужумчи Пеле расмий ўйинларда киритилган голлар бўйича бразилияликнинг рекордини янгилаган «Ювентус» ҳужумчиси Криштиану Роналдуни қутлади.
«Криштиану, ҳаёт - бу яккахон парвоз. Мен сенга қойил қолдим. Ҳар кимнинг ўз саёҳати бор ва бу сенинг ажойиб сафаринг! Мен сенинг ҳаракатларингни томоша қилишни яхши кўраман, бу ҳеч кимга сир эмас.
Расмий ўйинлардаги голлар бўйича рекордимни янгилаганинг билан табриклайман. Бугун сени дўстона қучоқлай олмаганимдан афсусдаман. Аммо, мен ушбу фотосуратни сенинг шарафинга катта муҳаббат билан узоқ йиллар давом этган дўстлик рамзи сифатида қолдираман»- деб ёзган Пеле ўзининг инстаграм саҳифасида.
Эслатиб ўтамиз, Роналду «Каляри» билан ўйинда учта гол урди(3:1) ва расмий ўйинлардаги голлар сонини 770 га етказган ҳолда, 767 гол ургам Пелени ортда қолдирди.
