Madridning "Real" klubi bosh murabbiyi Zinedin Zidan "Atalanta" ustidan qozonilgan g‘alabadan (3: 1, 1:0 - birinchi o‘yin) va Chempionlar Ligasining chorak finaliga chiqqandan so‘ng, o‘z taassurotlari bilan o‘rtoqlashdi.
«Futbolchilarni tabriklayman, chunki ular sizdan katta jismoniy kuch talab qiladigan jamoaga qarshi o‘yinning boshidan oxirigacha juda yaxshi harakat qilishdi. Biz yaxshi himoyalandik, to‘p nazoratiga keladigan bo‘lsak, butun o‘yin mobaynida ishonchli o‘ynadik.
O‘ylaymanki, o‘yin oxirlarida ularda imkoniyat yuzaga kelmadi. Raqibimiz ko‘plab golli vaziyatlarni yaratishga qodir lekin biz bugun, buni ko‘rmadik.
Luka va Toni - bu ajoyib yarim himoyachilar juftligi. Luka haqida gapiradigan bo‘lsam, u 35 yoshda, ammo maydonda bu umuman sezilmaydi.
Vinisiusdan mamnunman, chunki u penalti ishladi. Bilamizki, uning tezligi bilan u har qanday himoyaga muammo tug‘dirishimiz mumkin va bu juda muhim.
Asensio o‘z ustida ishlamoqda, u chiqdi va gol urdi. Bu uning uchun ham, biz uchun ham juda yaxshi», - dedi Zidan.
