20-mart kuni Termiz shahrida Superliga 3-turida "Surxon" o‘z uyida "Qo‘qon-1912"ni qabul qiladi. Ushbu qiziqarli o‘tilishi kutilayotgan bahsniig chiptalari sotuvga chiqarildi.

Chiptalar ikki toifaga ajratilgan:

Oddiy sektor chiptalar narxi — 10.000 so‘m;

VIP sektor chiptalar narxi — 20.000 so‘m.

Hurmatli futbol ishqibozlari!

1-turda Bekobodning "Metallurg" jamoasi bilan bahsda stadionga 6000dan ortiq muhlis kirdi. Lekin sotilgan chiptalar soni 1300 dan ortiqni tashkil qildi. Afsuski, ko‘pchilik muxlislar stadionga bepul kirish maqsadida turli hil qing‘ir yo‘llarni ishlatmoqda. Bu holatlar esa "Surxon" futbol klubining pul kelib tushadigan asosiy daromad manbaiga zarar yetkazmoqda.

Shunday ekan, siz aziz futbol ishqibozlaridan stadionga kirishda tartib-intizom saqlashni, chiptplarni faqatgina stadion kassalaridan yuqorida ko‘rsatilgan narxlarda sotib olishingizni iltimos qilamiz.

Stadionga kirish hududida noqonuniy hatti-harakatlarni ko‘rsangiz (chipta qo‘lda sotilayotgani, narx sun’iy tarzda oshirilgan, chiptasiz stadionga kiritayotgan va h.k) darhol "Surxon" klubi ma’muriyatiga yoki IIBga murojaat qiilishingizni so‘raymiz.

P/S: Norasmiy kanallarda o‘zboshimchalik bilan e’lon qilinayotgan "o‘yinga kirish bepul ekan" degan gaplarga ishonmang!