"Yuventus" bosh murabbiyi Andrea Pirlo "Benevento" bilan A Ceriyaning 28-tur uchrashuvidan kutganlari bilan o‘rtoqlashdi.

«Bu juda muhim o‘yin bo‘ladi, chunki biz uni terma jamoalar uchun tanaffusgacha o‘ynaymiz - ya’ni, keyin bizda bir necha kun dam olish uchun fursat bo‘ladi. Ehtimol, qiyin kunlarni boshdan kechirayotgan, ammo muhim natijalarga erishgan, o‘ynash va himoyalanishni biladigan jamoa bilan uchrashamiz.

Men Filippo Inzagini yaxshi bilaman, bu ochko talab qiladigan jamoaga qarshi o‘yin bo‘ladi, shuning uchun biz juda ehtiyot bo‘lishimiz kerak.

Bizning maqsadimiz "Inter"ga bosim o‘tkazish va bunga faqat har bir uchrashuvdagi g‘alabalar orqali erishish mumkin. Ular bu hafta oxirida o‘ynashmaydi bu holatda ularga yaqinlashish imkoniyati paydo bo‘ladi. Biz ajoyib o‘yin namoyish etib, uch ochkoni qo‘lga kiritishimiz kerak.

"Inter"ga nima bo‘lganligi haqida bizga xabar berishdi. Qaror boshqa holatlardagidek qabul qilinmadi.

Afsuski, bunday vaziyat «Inter» uchun ayni maqbul paytda yuzaga keldi. Endi klub futbolchilarni terma jamoalarga qo‘yib yubormaslik va o‘z ustida ishlash uchun imkoniyatga ega bo‘ladi. Shu ma’noda ularga omad kulib boqdi», - dedi italiyalik mutaxassis.