"Ювентус" бош мураббийи Андреа Пирло "Беневенто" билан А Cериянинг 28-тур учрашувидан кутганлари билан ўртоқлашди.
«Бу жуда муҳим ўйин бўлади, чунки биз уни терма жамоалар учун танаффусгача ўйнаймиз - яъни, кейин бизда бир неча кун дам олиш учун фурсат бўлади. Эҳтимол, қийин кунларни бошдан кечираётган, аммо муҳим натижаларга эришган, ўйнаш ва ҳимояланишни биладиган жамоа билан учрашамиз.
Мен Филиппо Инзагини яхши биламан, бу очко талаб қиладиган жамоага қарши ўйин бўлади, шунинг учун биз жуда эҳтиёт бўлишимиз керак.
Бизнинг мақсадимиз "Интер"га босим ўтказиш ва бунга фақат ҳар бир учрашувдаги ғалабалар орқали эришиш мумкин. Улар бу ҳафта охирида ўйнашмайди бу ҳолатда уларга яқинлашиш имконияти пайдо бўлади. Биз ажойиб ўйин намойиш этиб, уч очкони қўлга киритишимиз керак.
"Интер"га нима бўлганлиги ҳақида бизга хабар беришди. Қарор бошқа ҳолатлардагидек қабул қилинмади.
Афсуски, бундай вазият «Интер» учун айни мақбул пайтда юзага келди. Энди клуб футболчиларни терма жамоаларга қўйиб юбормаслик ва ўз устида ишлаш учун имкониятга эга бўлади. Шу маънода уларга омад кулиб боқди», - деди италиялик мутахассис.
