Angliya kubogi musobaqasining chorak final bosqichidan o‘rin olgan uchinchi o‘yin bo‘lib o‘tdi. «Chelsi» 21 mart, yakshanba kuni o‘z maydonida «Sheffild Yunayted»ni qabul qilib, 2:0 hisobida g‘alaba qozondi.

Bahsning 24-daqiqasida mehmonlar yarim himoyachisi Oliver Norvud to‘pni o‘z darvozasiga joylab qo‘ydi. O‘yinga qo‘shib berilgan daqiqalarda esa Hakim Ziyosh o‘z hisobiga gol yozib, yakuniy hisobni o‘rnatdi.

Eslatib o‘tamiz, kechagi bahslardan keyin «Sautgempton» va «Manchester Siti» klublari yarim final yo‘llanmasini qo‘lga kiritishgandi. Yarim finalning so‘nggi yo‘llanmasi «Lester Siti» va «Manchester Yunayted» jamoalari o‘rtasidagi o‘yinda hal bo‘ladi. Mazkur o‘yin tanaffusida Angliya kubogining yarim final bosqichiga qur’a tashlanadi.

Angliya kubogi final uchrashuvi 15 may kuni Londondagi «Uembli» stadionida bo‘lib o‘tadi.

Angliya kubogi, chorak final
Chelsi – Sheffild Yunayted 2:0 (1:0, 1:0)
Gollar: 1:0 – 24, avtogol Norvud, 2:0 – 90 Ziyesh.
Chelsi – Arrisabalaga, Emerson, Chiluell, Kristensen (Aspilikueta, 63), Zuma, Kovachich, Maunt, Gilmor (Ziyesh, 72), Pulishich (Kante, 83), Xadson-Odoi (Xaverts, 72), Jiru (Jeyms, 63).
Sheffild Yunayted – Remsdeyl, Stivens, Boldok, Jagelka, Bogl (Musse, 90), Flek, Osborn, Landstrem, Norvud (Bryuster, 79), Makberni (Berk, 75), Makgoldrik.