"Arsenal" bosh murabbiyi Mikel Arteta unga PSJni boshqarish uchun taklif bo‘lishi mumkinligi haqida berilgan savolga javob berdi.

«Men Parijni juda yaxshi ko‘raman. U erdan juda yaxshi xotiralarim bor. Bu mening birinchi professional klubim edi. Klub mening yuragimda abadiy saqlanib qoladi.

Siz nima bo‘lishini hech qachon bilolmaysiz, ammo "Arsenal"da amalga oshirishim kerak bo‘lgan juda ko‘p ishim bor», - deydi ispaniyalik mutaxassis.

Ma’lumot o‘rnida, Mikel Arteta 2001/2002 yilgi mavsumda "Barselona"dan PSJga ijaraga berilgan. U Fransiya chempionatida parijliklar safida 35 o‘yin o‘tkazib, 2 gol 3 golli uzatma muallifiga aylangan.

Qayd etish mumkin, uning qo‘l ostidagi "Arsenal" 29 uchrashuvda 42 ochko to‘plagan holda Angliya Premyer-ligasining 2020/2021 yilgi mavsum turnir jadvalida to‘qqizinchi o‘rinni egallab turibdi.