"Atletiko" hujumchisi Mussa Dembele mashg‘ulotdan hushidan ketib qoldi.

"AS" tarqatgan xabarga ko‘ra, futbolchi mashq bajarayotgan paytda maysaga quladi. Boshqa o‘yinchilar va klub shifokorlar darhol unga yordam berishga oshiqishdi. Manbaning xabar tarqatishicha, fransiyalik futbolchining qon bosimi tushib ketgan.

"Uning hayot ko‘rsatkichlari me’yorda, uning sog‘lig‘i ustidan nazorat o‘rnatilgan", — deya xabar tarqatdi "Atletiko" rasmiy sayti.

Dembelega tibbiy yordam ko‘rsatilganidan so‘ng u o‘ziga kelgan va uyga o‘z avtomobilida ketgan. Eslatib o‘tamiz, 24 yoshli futbolchi fevral oyida koronavirusga chalingan edi.

"Atletiko" yanvar oyida Mussani "Lion"dan ijaraga olgan edi. U La ligada 4ta o‘yinda maydonga tushdi.