«Roma» rahbariyati jamoaning so‘ng uchrashuvlardagi natijalaridan ko‘ngli to‘lmayapti. Shu bois ham rimliklar yaqin orada bosh murabbiyni almashtirishlari mumkin. Bu haqda jurnalist Nikolo Skira o‘zining «Tvitter»dagi sahifasida ma’lum qildi.

Ma’lum bo‘lishicha, portugaliyalik bosh murabbiy Paulo Fonsekaning taqdiri yaqin kunlarda hal bo‘ladi. 48 yoshli mutaxassisning o‘rnini Maurisio Sarri egallashi mumkin. Aytish joiz, Sarrining «Yuventus» bilan shartnomasi 2022 yilning yozida nihoyasiga yetadi. Ayni paytda u Turin klubidan yiliga 2,5 million yevro miqdorida maosh olmoqda.

Shu o‘rinda aytish joiz, oldinroq Sarrining agenti mijozini «Roma»ga taklif qilgandi.