«Рома» раҳбарияти жамоанинг сўнг учрашувлардаги натижаларидан кўнгли тўлмаяпти. Шу боис ҳам римликлар яқин орада бош мураббийни алмаштиришлари мумкин. Бу ҳақда журналист Николо Скира ўзининг «Твиттер»даги саҳифасида маълум қилди.
Маълум бўлишича, португалиялик бош мураббий Пауло Фонсеканинг тақдири яқин кунларда ҳал бўлади. 48 ёшли мутахассиснинг ўрнини Маурицио Сарри эгаллаши мумкин. Айтиш жоиз, Саррининг «Ювентус» билан шартномаси 2022 йилнинг ёзида ниҳоясига етади. Айни пайтда у Турин клубидан йилига 2,5 миллион евро миқдорида маош олмоқда.
Шу ўринда айтиш жоиз, олдинроқ Саррининг агенти мижозини «Рома»га таклиф қилганди.
