La Gazzetta dello Sport nashrining xabar berishicha, Italiya sport sudi «Latsio» ga «Torino» ustidan texnik mag‘lubiyat yozish masalasini ko‘rib chiqdi.

Gap shundaki, Turinliklar jamoasi 2 mart kuni A Seriyaning 25-turida «Latsio» ga qarshi o‘yin uchun Rimga kela olmagan edi. Buning sababi sifatida Turin va butun mintaqa hukumati tomonidan koronavirus cheklovlari ko‘rsatilgan.

Italiya ligasi ma’muriyati «Latsio» - «Torino» uchrashuvini boshqa sanada o‘tkazishga qaror qildi, ammo «Latsio» vakillari norozilik bildirishdi. Ular «Torino» ga texnik mag‘lubiyat yozilishi kerakligini da’vo qilishdi. Biroq bu rad etildi.

Endi sudning hukmiga binoan o‘yin o‘tkazilishi kerak. Yangi sana keyinroq aniqlanadi.