Mundo Deportivo nashrining ma’lum qilishicha, Madridning «Real» klubi «Tottenxem» hujumchisi Harri Keynni sotib olishdan manfaatdor emas.

Bundan avvalroq 27 yoshli futbolchining yozda «shporlar» safini tark etishi kutilayotgan edi. Biroq «qaymoqranglilar»ning asosiy maqsadi hozircha Keyn emas, balki Mbappe bo‘lib turibdi. Shuningdek, «Real» Ronalduni qaytarish fikrida emasligini ham ma’lum qilgan edi.

Ma’lumot uchun, joriy mavsum Keyn 27 ta o‘yinda maydonga tushib 17 gol va 13 ta assist qayd etgan.