"Superliganing 4-turi doirasida to‘qnash keladigan raqibimiz "Navbahor" bilan umumiy hisobdagi 27-o‘yin ostonasidamiz.

Bunga qadar namanganliklar bilan jami 26 marotaba duch kelganmiz. O‘zaro o‘yinlardagi natijalarda tarozi pallasi bizning foydamizda.

O‘tkazilgan uchrashuvlarning 11tasi bizning g‘alaba bilan yakunlangan bo‘lsa, 8 bahsda durang qayd etilgan va 7 bor raqib yutuqqa erishgan. To‘plar nisbatida ham kichik ustunlik biz tomonda: 35-33.

"Navbahor"ga qarshi o‘yinni boshqarish mas’uliyati Akobir Shukurullayevga topshirilgan. O‘yinda VAR tizimi ham ishlaydi va teleekran qarshisida Ilgiz Tantashev turishi belgilangan.

Superliga, 4-tur.
2 aprel, juma.
AGMK – «Navbahor» (18:30)
Hakamlar: Akobirxo‘ja Shukurullayev, Timur Galeev, Doniyor Saylavov, Akmaljon Rahimov
Nazoratchi: Konstantin Smirnov
VAR hakami: Ilgiz Tantashev
VAR assistentlari: Aleksandr Sidorov, Timur Gaynulin
VAR nazoratchisi: Farhod Abdullayev
VAR operatori: Jahongir Saidov
Texnis mutaxassis: Otabek Sodiqov
Komissar: Laziz Qo‘chqorov"