O‘zbekiston chempionatining 4-turidan o‘rin olgan AGMK va «Navbahor» jamoalari o‘rtasidagi o‘yindan so‘ng mezbonlar murabbiyi Xayrulla Karimov o‘z fikrlari bilan o‘rtoqlashdi.

«Kurashlarga boy o‘yin bo‘ldi. Ikki haftalik tanaffus baribir o‘z ta’sirini ko‘rsatdi, lekin shunga qaramasdan, har ikki jamoa chiroyli o‘yin ko‘rsatdi. Birinchi bo‘limda o‘yinimiz sal qovushmadi, ammo ikkinchi bo‘limda yigitlar o‘yinni kuchaytirishdi. Futbolda 20-21 nafar futbolchi bo‘ladi jamoada. Zaxira yoki asosiy tarkib futbolchilari deya ajratish yo‘q. Har bir futbolchi istalgan paytda maydonga tushishga tayyor bo‘lmog‘i va jamoaga foydasi tegishi lozim. Bugungi o‘yinda zaxiradan tushgan futbolchilar g‘alabaga o‘z hissasini qo‘shishdi», — dedi Xayrulla Karimov.