Shahram G‘iyosov ham qolgan bokschilarimiz qatori g‘alabaga erishdi. Shuningdek, Yulduz bokschimiz ushbu kecha va jang haqida bir qancha savollarga javob berdi.
- Jang haqida fikrlaringiz qanday?
"Men juda ham hursandman mana shunday jang bo‘layotganidan. Bundan keyin har doim muxlislarimzni g‘alabalarimiz bilan xursand qilamiz. Mana biz o‘z g‘alabamizni yurtdoshlarimiz ko‘z oldida nishonladik. O‘zbekiston bayrog‘ini yuqoriga ko‘tarib, muxlislarimiz, ota-onam va yaqinlarim ko‘z oldida kamarimni himoya qilyapman. Juda ham xursandman. Xudo xohlasa bundanda yaxshi natijalar qayd etamiz".
- Siz raqibingizni jigar qismiga ko‘proq zarba yo‘lladingiz.Bu o‘ylangan harakatlarmi?
"Bu mening uslubim. Men ikki bor past qismiga va so‘ngra bosh qismiga zarba yo‘llayman va iloji boricha jangni tezroq yakunlashga harakat qilaman. Sababi, mening jangimni onam ham ko‘radilar. Ular men zarba o‘tkazib yuborsam qiynaladilar. Shuning uchun, men tezroq o‘z janglarimni yakunlayman".
