Pepe va Ronalduning do‘stligi haqida ko‘p gapirish kerak emas. Buni Krishtianuning karerasini kuzatuvchilar yaxshi bilishadi, ikkalasi sakkiz yil yonma-yon "Real Madrid" safida o‘ynagan. Qolaversa, anchadan beri, Portugaliya terma jamoasi sharafini ham himoya qilib keladi. Ushbu mavsumda Pepe o‘ynayotgan "Portu" jamoasi "Yuve"ni Chempionlar Ligasidan chiqarib yuborgan bo‘lsa-da, portugaliyalik himoyachining fikricha, Ronaldu zamonamizning eng yaxshi jamoasi safida to‘p tepmoqda.
"Men Krishtianuga qoyil qolaman, men uchun u barcha davrlarning eng yaxshi futbolchisi", - dedi Pepe TNT sports nashriga.
"Ronaldu hech kim qilmagan ishni uddaladi. U Angliya, Ispaniya, Italiya chempionatlarida va hattoki Portugaliya bilan ham g‘alaba qozondi. Ko‘pchilik uni kimligini bilmasdan tanqid qiladi."
Chempionlar ligasi uchrashuvi paytida men Ronalduga "Siz bizga qarshi maydonga tushganingizda, men g‘alaba qozonishni xohlaganim uchun o‘ynaysiz" dedim. Krishtianu javob berdi: "Yaxshi, sen maydonda g‘alaba qozonishing mumkin, ammo men keyingi bosqichga o‘taman". - deya javob bergandi. "Ko‘rib turganingizdek, u adashgandi", - deydi Pepe kulib
