"Barselona" rahbariyati yaqin kunlarda hujumchi Lionel Messiga umrbod shartnoma taklif qilmoqchi, deb xabar bermoqda Ispaniya nashrlari.
Mutaxasislarning fikriga ko‘ra, bunday taklif argentinalikni jamoada saqlab qolishga yordam beradi.
Messi muzokaralarga tayyor va klub prezidenti Joan Laporta bilan otasi Xorxesiz o‘zi uchrashishga qarshi emas.
Messida rahbariyatga taqdim qilmoqchi bo‘lgan bir qator shartlar mavjud. Asosiysi - Laportaning aniq sport loyihasi, uning asosida "Barselona"ning Chempionlar Ligasida g‘alabaga qanday erishishni rejalashtirayotgani aniq bo‘ladi.
Kataloniya jamoasi sardori mavsum yakuniga qadar shartnoma borasida qaror qabul qilishi kutilmoqda.
