«Yuventus» himoyachisi Matteys de Ligtning klubdagi kelajagi oydinlashdi.
Jurnalist Fabrisio Romano Niderlandiya terma jamoasining 21 yoshli futbolchisi «keksa senyore» uchun asosiy o‘yinchiga aylangani haqida xabar beradi.
Uning turinliklar bilan shartnomasida 150 million yevro miqdoridagi tovon puli ko‘rsatilgan bir band bor, lekin faqat u 2022 yil iyuldan kuchga kiradi.
Ammo, «Yuventus» rahbariyati faollashtirilgan band tufayli bir yildan so‘ng o‘yinchisini yo‘qotish ehtimoli mavjudligiga qaramay, himoyachi bilan xayrlashishni rejalashtirmayapti.
Ma’lumot uchun, 2020/2021 yilgi mavsumda De Ligt jamoa tarkibida 25 o‘yin o‘tkazishga muvaffaq bo‘lgan.
