AGMK Osiyo chempionlar ligasi saralash bosqichidan muvaffaqiyatli o‘tib, guruh bosqichi yo‘llanmasini qo‘lga kiritdi. Mirjalol Qosimov jamoasi Qatarning «Al-G‘arafa» klubiga qarshi bahsning qo‘shimcha bo‘limlari so‘nggi daqiqasida g‘alabani ilib ketishdi.

Olmaliqliklar Dohadagi bahsda imkon qadar faol to‘p tepishga harakat qilishdi. Ammo vaziyatlardan foydalanishda ularga aniqlik yetishmadi.

Ba’zi vaziyatlarda esa ustunlik mezbonlar tomoniga o‘tib turdi. Uchrashuvning asosiy vaqtida hisob ochilmagani uchun hakam qo‘shimcha bo‘limlarni belgiladi.

Aynan 120-daqiqada esa AGMK g‘alaba to‘pini kiritdi. Mirjamol Qosimov burchak zarbasini durdona amalga oshirdi. Uning burchak zarbasidan tepgan to‘pi aylanma tarzda borib ustunga tegib qaytdi, qaytgan to‘p Jokichga tushdi va Yovan to‘pni qaytarib bo‘lmas qilib darvoza to‘riga joylab qo‘ydi!

Shu tariqa, AGMK o‘z tarixida ilk marta Chempionlar ligasi guruh bosqichida ishtirok etish huquqini qo‘lga kiritdi. "Nasaf" esa OFK kubogi guruh bosqichidan o‘z ishtirokini boshlaydi.

OCHL, saralash bosqichi.
AGMK - «Al-G‘arafa» - 1:0. Asosiy vaqt — 0:0.
Gol: Yovan Jokich (120)
«Al-G‘arafa» — 21.YUsuf Hassan, 3.Tamim Al Muhaza, 7.Moayad Hassan, 8.YUsuf Mutfa, 10.Ku Ja Chol, 15.Ektor Ererra, 17.Adlen Gedeyra, 18.Amro Suraj, 24.Homam Ahmad, 70.Nossir Al Ahrak, 94.Sofian Xanni.
AGMK - 35.Valijon Rahimov - 77.Dilshod Ahmadaliyev, 8.Bobur Yo‘ldoshev, 7.Sardor Rahmonov, 2.Akrom Komilov - 23.Yovan Jokich, 17.Sanjar Tursunov (sardor), 22.Sanjar Shoahmedov - 94.Elvin Fortes, 18.Aleksandr Kasyan, 10.Husniddin G‘ofurov.