АГМК Осиё чемпионлар лигаси саралаш босқичидан муваффақиятли ўтиб, гуруҳ босқичи йўлланмасини қўлга киритди. Миржалол Қосимов жамоаси Қатарнинг «Ал-Ғарафа» клубига қарши баҳснинг қўшимча бўлимлари сўнгги дақиқасида ғалабани илиб кетишди.

Олмалиқликлар Доҳадаги баҳсда имкон қадар фаол тўп тепишга ҳаракат қилишди. Аммо вазиятлардан фойдаланишда уларга аниқлик етишмади.

Баъзи вазиятларда эса устунлик мезбонлар томонига ўтиб турди. Учрашувнинг асосий вақтида ҳисоб очилмагани учун ҳакам қўшимча бўлимларни белгилади.

Айнан 120-дақиқада эса АГМК ғалаба тўпини киритди. Миржамол Қосимов бурчак зарбасини дурдона амалга оширди. Унинг бурчак зарбасидан тепган тўпи айланма тарзда бориб устунга тегиб қайтди, қайтган тўп Жокичга тушди ва Йован тўпни қайтариб бўлмас қилиб дарвоза тўрига жойлаб қўйди!

Шу тариқа, АГМК ўз тарихида илк марта Чемпионлар лигаси гуруҳ босқичида иштирок этиш ҳуқуқини қўлга киритди. "Насаф" эса ОФК кубоги гуруҳ босқичидан ўз иштирокини бошлайди.

ОЧЛ, саралаш босқичи.
АГМК - «Ал-Ғарафа» - 1:0. Асосий вақт — 0:0.
Гол: Йован Жокич (120)
«Ал-Ғарафа» — 21.Юсуф Ҳассан, 3.Тамим Ал Муҳаза, 7.Моаяд Ҳассан, 8.Юсуф Мутфа, 10.Ку Жа Чол, 15.Эктор Эрерра, 17.Адлен Гедейра, 18.Амро Сураж, 24.Ҳомам Аҳмад, 70.Носсир Ал Аҳрак, 94.Софиан Ханни.
АГМК - 35.Валижон Раҳимов - 77.Дилшод Аҳмадалиев, 8.Бобур Йўлдошев, 7.Сардор Раҳмонов, 2.Акром Комилов - 23.Йован Жокич, 17.Санжар Турсунов (сардор), 22.Санжар Шоаҳмедов - 94.Элвин Фортес, 18.Александр Касьян, 10.Ҳусниддин Ғофуров.