Biroz oldin Germaniya Bundesligasining 28-turidan o‘rin olgan uchrashuv Gelzenkirxenda yakunlandi.
Joriy mavsumni ancha sust o‘tkazayotgan autsayder «Shalke» o‘z maydonida «Augsburg»ni qabul qildi va 1:0 hisobida g‘alabaga erishdi. Ushbu g‘alaba orqali jamoa ketma-ket 13 uchrashuvdan iborat mag‘lubiyatli seriyasiga barham berdi.
Bahs taqdirini 4-daqiqada urilgan tezkor gol hal qildi. Nihoyat «Shalke» uzoq kutilgan 3 ochkoni qo‘lga kiritishga muvaffaq bo‘ldi. Hozircha jamoa turnir jadvalida 13 ochko to‘plab so‘nggi 18 o‘rinda qoldi.
"Shalke" - "Augsburg" 1:0 (1:0)
Gol: Serdar, 4 - 1:0
"Shalke": Fermann, Stambuli, Bekker, Tiav, Ochipka (Kolashinas, 74), Aydin, Maskarel, Serdar, Bozdogan (Mustafi, 79), Xarit (Pasiyensiya, 84), Xuntelar (Xopp, 84).
"Augsburg": Gikevich, Framberger, Gaueleu, Uduoxay, Gumni (Pedersen, 71), Kalidjuri (Niderlexner, 71), Xedira (Shtrobl, 46), Grueso, Vargas (Gregorich, 79), Xan (Benesh, 79), Rixter.
