«Atletiko Madrid» bosh murabbiyi Diyego Simeone Ispaniya chempionatining 30-turida «Betis» bilan (1:1) uchrashuvdan so‘ng, fikr bildirdi.
«Birinchi bo‘limda biz yaxshi o‘ynadik, ko‘p imkoniyatlarga ega bo‘ldik va gol urdik. O‘ylaymanki, biz ikkinchi bo‘limda eng yaxshi futbol namoyish etishimiz mumkin edi.
Chempionlik unvoniga kelsak, biz o‘yindan o‘yinga o‘smoqdamiz. Men hech narsani o‘zgartirmoqchi emasman», - deydi argentinalik mutaxassis.
Qayd etish mumkin, Ispaniya chempionatining 30 turidan so‘ng, «matraschilar» 67 ochko to‘plashdi va ikkinchi o‘rinda borayotgan «Real»dan bir ochkoga oldinda borishmoqda.
