«Real» yarim himoyachisi Fede Valverde Chempionlar Ligasi 1/4 finalidan o‘rin olgan «Liverpul»ga qarshi javob o‘yinida sog‘lig‘i bilan muammosi bo‘lsa ham harakat qilishga tayyor.
Urugvaylik xavbek La Liga 30-turi doirasida «Barselona»ga qarshi to‘qnashuvda jarohat olgan va mersisaydliklar bilan o‘yinga ikki kun qolganida individual mashg‘ulotlarga kirishgandi.
Marca nashrining xabariga ko‘ra, Fede og‘riqni pasaytirish uchun ukol qabul qilgan holda maydonga tushishni rejalashtirmoqda.
Eslatib o‘tamiz, dastlabki bahsda 3:1 hisobida g‘alaba qozongan madridliklar ertaga, 14 aprel kuni «Liverpul» mehmoni bo‘lishadi. Uchrashuv Toshkent vaqti bilan 23:55 da boshlanadi.
