«Реал» ярим ҳимоячиси Феде Вальверде Чемпионлар Лигаси 1/4 финалидан ўрин олган «Ливерпуль»га қарши жавоб ўйинида соғлиғи билан муаммоси бўлса ҳам ҳаракат қилишга тайёр.
Уругвайлик хавбек Ла Лига 30-тури доирасида «Барселона»га қарши тўқнашувда жароҳат олган ва мерсисайдликлар билан ўйинга икки кун қолганида индивидуал машғулотларга киришганди.
Marca нашрининг хабарига кўра, Феде оғриқни пасайтириш учун укол қабул қилган ҳолда майдонга тушишни режалаштирмоқда.
Эслатиб ўтамиз, дастлабки баҳсда 3:1 ҳисобида ғалаба қозонган мадридликлар эртага, 14 апрель куни «Ливерпуль» меҳмони бўлишади. Учрашув Тошкент вақти билан 23:55 да бошланади.
