PSJ yarim himoyachisi Anxel Di Mariya «Bavariya»ga qarshi uchrashuvdan keyin YECHL yarim finaliga yo‘l olganligi uchun o‘z hissiyotlari bilan bo‘lishdi.
«O‘z ishimizni a’lo darajada bajardik. Jamoa juda ko‘p mehnat qildi. O‘tgan mavsumning eng yaxshi jamoasidan ustun keldik va yarim finalda o‘ynaymiz.
O‘ylashimcha, biz bunga munosibmiz. Maqsadimizga erishish uchun qattiq ishladik. Bu klub uchun muhim lahza. Umid qilamanki, yanada uzoqroqqa boramiz.
Juda xursandman. Futbol maydonidan tashqarida bo‘lgan paytim men uchun juda qiyin o‘tdi. Biz barchamiz futbol maydonidan tashqarida bo‘lgandik va bu yoqimli narsa emas. Ammo, hozir natijadan mamnunman», — deya argentinalikning fikrlarini keltirdi RMC Sport.
