"Inter" klubi yozgi transferlar oynasida "Atalanta" klubi hujumchisi Luis Muryelni o‘z safiga qo‘shib olishga harakat qilib ko‘radi, deya xabar bermoqda "Calciomercato" nashri.
30 yoshli hujumchi ushbu mavsumda sermahsul o‘yin ko‘rsatmoqda va shu sababli, u Antonio Kontening nazariga tushdi, ammo futbolchini Bergamo klubi safidan tortib olish biroz qiyin.
Eslatib o‘tamiz, kolumbiyalik futbolchi ushbu mavsum A Seriyaning 28 o‘yinida maydonga tushib, o‘z hisobiga 18 ta gol 7 ta assist yozdirib qo‘ydi.
