Osiyo chempionlar ligasi guruh bosqichi 4-turida doirasida "Paxtakor" Birlashgan Arab Amirliklarining "Sharja" klubiga qarshi javob uchrashuvini o‘tkazdi.

Vakillarimiz, avvalgi o‘yindan farqli o‘laroq, ancha yaxshi to‘p tepishdi. Shu bilan birgalikda, raqibning xavfli hujumchisi Kayoning erkin harakatlanishiga imkon berishmadi.

Piter Xyuistra shogirdlari juda ko‘p vaziyatlar yaratishdi, ammo ulardan foydalanishda oqsashdi. Toshkentliklar hisobni 59-daqiqasida ochishdi. Alijonov raqib jarima maydoni chizig‘i ustidan zarba berdi, Derdiyo‘q esa to‘pni darvozaga burib yubordi.

Shundan keyin "Paxtakor" to‘pni nazorat qilishga intildi, "Sharja" esa o‘yin tugashiga 3 daqiqa qolganida bitta hujum qildiyu, gol urib ketdi. Qanotdan yetkazilgan uzatmani Muhammad Xalfan darvozamizga joylab qoldi. Bu vaziyatda markaziy himoyachilar sust harakat qilishdi.

Shu tariqa, "Paxtakor" suv va havodek zarur bo‘lgan g‘alabani qo‘ldan chiqardi. Jamoaning ochkolari 3taga yetdi va klub o‘z guruhida 3-o‘rinni egallab turibdi.

OCHL. "A" guruhi, 4-tur
"PAXTAKOR" - "SHARJA" - 1:1 (0:0)
Gollar: Eren Derdiyo‘q (59) — Muhammad Xalfan (87)
Ogohlantirishlar: Sardor Sobirxo‘jayev (68), Farrux Sayfiyev (80) — Ali Muhammad (64)
"Paxtakor": 32. Sanjar Quvvatov, 3. Hojiakbar Alijonov, 5. Anzur Ismoilov (s), 23. Sherzod Azamov, 34. Farruh Sayfiyev, 27. Sardor Sobirxo‘jayev, 19. Sharof Muhitdinov, 28. Diyor Xolmatov (Ibrohimxalil Yo‘ldoshev 79), 18. Hojimat Erkinov, 10. Dragan Cheran, 9. Eren Derdiyok (Abror Ismoilov 79)
"Sharja": 40.Odil Al Husani, 4.SHahin Abdalla, 7.Kayo, 8.Muhammad Abdulbosit (Saif Rashid 72), 14.Holid Bavazir (Igor Koronado 80), 17.Ali Muhammad (Abdulaziz Kaabiy 80), 18.Abdalla G‘anim, 19.Holid Ibrohim, 23.Salim Solih (Muhammad Xalfan 84), 27.Luan Pereyra, 29.Otabek Shukurov.