«Barselona» bosh murabbiyi Ronald Kuman La Liganing 33-turidan o‘rin olgan «Granada»ga qarshi mag‘lubiyatli o‘yin(1:2) natijasiga qisqacha izoh berdi.
«Biz bugungi mag‘lubiyatni qabul qilishimiz kerak. Bu juda qiyin, chunki bugun bizda g‘alaba qozonish uchun yaxshi imkoniyat bor edi. Ammo bu normal holat. Bizda yana beshta o‘yin bor.
Chempionlik uchun kurashayotgan barcha jamoalarning jadvali qiyin. Biz yakshanba kungi o‘yinga tayyorgarlik ko‘rishimiz kerak», - deydi Kuman.
Eslatib o‘tamiz, Kataloniya klubi navbatdagi raqibi, «Valensiya» bilan 2 may, yakshanba kuni to‘qnash keladi.
Ma’lumot uchun, «Barselona» hisobidagi 71 ochko bilan La Liga turnir jadvalida uchinchi o‘rinni egallab turibdi.
