Yarimhimoyachi Filippe Koutinyo so‘nggi yillarda «Barselona» muxlislari uchun katta umidsizlik bo‘lib kelmoqda.
«Liverpul»ning sobiq yetakchisi Kataloniyada o‘zini yaxshi ko‘rsata olmadi, garchi klub, futbolchi uchun har xil bunuslar va uning maoshidan tashqari 135 million yevro sarf etgan bo‘lsada.
«Bavariya»dan ijaradan qaytgach, braziliyalik 14 o‘yin o‘tkazib, 2 gol urdi va hozirda jarohat olgan tizzasini davolash bilan band.
40 million yevroni taklif qilayotgan «Everton»dan Koutinyoga qiziqish bo‘lganligi sababli El Mundo Deportivo «Barcelona» muxlislari o‘rtasida so‘rovnoma o‘tkazdi. Respondentlarning 89,2 foizi esa bunday transferni qo‘llab-quvvatlamoqda.