Germaniya kubogining yarim finalidan o‘rin olgan o‘yinda «Borussiya D» 1 may, shanba kuni «Holshtayn Kil»ni qabul qildi.

Bahs dortmundliklarning yirik 5:0 hisobidagi g‘alabasi bilan yakunlandi. Jovanni Reyna dublga erishgan bo‘lsa, Marko Roys, Torgan Azar va Jud Bellinghem o‘z nomiga bittadan gol yozdirib qo‘ydi.

Shu tariqa, «Borussiya Dortmund» Germaniya kubogi finaliga yo‘l oldi. Jamoa hal qiluvchi bahsda «Leypsig»ga qarshi maydonga tushadi. Uchrashuv 13 may sanasiga belgilangan.

Germaniya kubogi, yarim final
1 may, shanba
«Borussiya D» — «Holshtayn Kil» 5:0
Gollar: 1:0 – 16 Reyna, 2:0 – 22 Reyna, 3:0 – 26 Roys, 4:0 – 32 Azar, 5:0 – 41 Bellinghem.
«Borussiya D»: His, Hummels, Akanji, Pishchek (Morey, 62; MenYE, 74), Bellinghem, Jan (Dileyni, 62), Azar, Reyna (Brandt, 46), Roys (Reyner, 62), Sancho, Gerreyru.
«Holshtayn Kil»: Dene, Dem (Noymann, 46), Val, Komenda, Meffert, Lorens, Bartels (Mees, 68), Hauptmann, Li Chje Son (Girt, 76), Zerra (Arslan, 30), Reze (Porat, 46).
Ogohlantirishlar: Lorens (86).