Italiya chempionatining 34-turidan o‘rin olgan o‘yinda «Yuventus» 2 may, yakshanba kuni «Udineze» maydoniga safar qildi.

Uchrashuvning 10-daqiqasida Nauel Molina Lusero mezbonlarni hisobda oldinga olib chiqdi. Ushbu hisob uchrashuvning katta qismida saqlanib turdi. Ammo o‘yin yakunlanishi arafasida, aniqrog‘i 83 va 89-daqiqalarda Krishtianu Ronaldu katta sahnaga chiqib, ikki bor raqib darvozasini aniq nishonga oldi va jamoasiga g‘alaba keltirdi. Portugaliyalik futbolchi dastlab penaltidan hisobni tenglashtirgan bo‘lsa, so‘nggi daqiqalarda uning o‘zi jamoasiga g‘alaba keltiruvchi gol muallifiga aylandi.

Ushbu g‘alabadan keyin Turin klubining ochkolari 69 taga yetdi, jamoa musobaqa jadvalida 3-o‘rinda bormoqda. 2-o‘rindagi «Atalanta»ning hisobida ham xuddi shuncha ochko mavjud. «Inter» esa 82 ochko bilan chempionlikni rasmiylashtirib bo‘ldi. «Udineze» 11-pog‘onani band etgan.

Italiya A seriyasi, 34-tur
2 may, yakshanba
«Udineze» — «Yuventus» 1:2
Gollar: 1:0 – 10 Lusero, 1:1 – 83, penalti Ronaldu, 1:2 – 89 Ronaldu.
«Udineze»: Skuffet, Molina, Nyuytink (Auveyan, 90), Bonifasi (Samir, 84), Larsen, Uolas, de Paul, Pereyra, Arslan (Foresteri, 72), Rodrigo Bekao, Okaka Chuka.
«Yuventus»: Shchensni, de Ligt, Danilo, Bonuchchi, Aleks Sandro, Kuadrado (Feliks Korreyya, 84), Makkenni (Rabyo, 84), Bentankur, Bernardeski (Kulusevski, 59), Dibala (Morata, 66), Ronaldu.
Ogohlantirishlar: Arslan (44), Pereyra (55), de Paul (82).