Италия чемпионатининг 34-туридан ўрин олган ўйинда «Ювентус» 2 май, якшанба куни «Удинезе» майдонига сафар қилди.

Учрашувнинг 10-дақиқасида Науэл Молина Лусеро мезбонларни ҳисобда олдинга олиб чиқди. Ушбу ҳисоб учрашувнинг катта қисмида сақланиб турди. Аммо ўйин якунланиши арафасида, аниқроғи 83 ва 89-дақиқаларда Криштиану Роналду катта саҳнага чиқиб, икки бор рақиб дарвозасини аниқ нишонга олди ва жамоасига ғалаба келтирди. Португалиялик футболчи дастлаб пенальтидан ҳисобни тенглаштирган бўлса, сўнгги дақиқаларда унинг ўзи жамоасига ғалаба келтирувчи гол муаллифига айланди.

Ушбу ғалабадан кейин Турин клубининг очколари 69 тага етди, жамоа мусобақа жадвалида 3-ўринда бормоқда. 2-ўриндаги «Аталанта»нинг ҳисобида ҳам худди шунча очко мавжуд. «Интер» эса 82 очко билан чемпионликни расмийлаштириб бўлди. «Удинезе» 11-поғонани банд этган.

Италия А серияси, 34-тур
2 май, якшанба
«Удинезе» — «Ювентус» 1:2
Голлар: 1:0 – 10 Лусеро, 1:1 – 83, пенальти Роналду, 1:2 – 89 Роналду.
«Удинезе»: Скуффет, Молина, Нюйтинк (Аувеян, 90), Бонифаци (Самир, 84), Ларсен, Уолас, де Пауль, Перейра, Арслан (Форестери, 72), Родриго Бекао, Окака Чука.
«Ювентус»: Шченсни, де Лигт, Данило, Бонуччи, Алекс Сандро, Куадрадо (Феликс Коррейя, 84), Маккенни (Рабьо, 84), Бентанкур, Бернардески (Кулусевски, 59), Дибала (Мората, 66), Роналду.
Огоҳлантиришлар: Арслан (44), Перейра (55), де Пауль (82).