"Barselona" klubining markaziy himoyachisi Samyuel Umtiti yozgi transferlar oynasida klubni tark etishi ma’lum bo‘lib bormoqda.
"Enfild Central" nashrining xabariga ko‘ra, "Liverpul" fransiyalik futbolchini o‘z tarkibida ko‘rishni xohlamoqda va klub uning transferi uchun "ko‘k-anorranglilar"ga 8 million dollar berish niyatida.
Kataloniya klubi ayrim bonuslar bilan ushbu taklifga rozi bo‘lishi mumkin. Sababi, 27 yoshli jahon chempioni klubning kelasi mavsum uchun rejalarida yo‘q.