"Vilyarreal" himoyachisi Pau Torres 2006-yilda "Arsenal" "Vilyarreal"ni Chempionlar Ligasidan chiqarib yuborganida yig‘laganini tan oldi.
Bugun esa, "Vilyarreal" "Arsenal"ni umumiy hisobda mag‘lub etib, Yevropa Ligasi finaliga chiqdi.
"Bugungi ko‘z yoshlarim qayg‘uli emas, balki quvonch ko‘z yoshlarimdir. "Vilyarreal" finalga bir qadam qolganda to‘xtab qolgandi, ammo endi, nihoyat, biz bu qadamni tashladik! Bu juda hayajonli lahza. Butun klub, muxlislar, prezident, o‘tgan yilgi tarkib - barchamiz ushbu finalga loyiqmiz. Biz "Arsenaldan kuchli edik.
Endi biz o‘zimizni erkin his qilishimiz mumkin, ammo tez orada finalga tayyorgarlikni boshlashimiz kerak, chunki bu tarixiy imkoniyatdan foydalanishimiz kerak", - deya Torres so‘zlarini keltirmoqda UYEFA matbuot xizmati.
