«Atletiko» bosh murabbiyi Diyego Simeone «Barselona»ga qarshi La Liganing 35-turidan oldin o‘z fikrlari bilan o‘rtoqlashdi.

- Ushbu o‘yin chempionlik uchun kurash natijasini hal qila oladimi?

- Siz meni uzoq vaqtdan beri bilasiz. Men bor e’tiborimni faqat ertangi kunga qarataman. «Barselona» yaxshi seriyaga ega bo‘ldi, ko‘p ochkolarni oldi. Ular yaxshi o‘ynashmoqda, ular birinchi davrada vaziyatni o‘zgartira olishdi. «Barsa» ajoyib ishni bajardi. Biz ularga o‘z futbolimizni ko‘rsatishga harakat qilamiz.

- Ronald Kumanning zaxira o‘rindig‘ida yo‘qligi siz uchun afzallik bo‘ladimi?

- Yo‘q.

- La Ligada g‘alaba qozonishning kaliti nima?

- Xarakter.

- «Barselona»da ular chempionlik uchun kurash faqat o‘zlariga bog‘liq deb hisoblashadi.

- Biz o‘yindan o‘yinga yaxshilanib boramiz va har bir o‘yinni ishtiyoq, og‘ir bosiqlik bilan boshlaymiz.

- Bizni darvozabonlarning ajoyib dueli kutmoqda.

- Eng yaxshi darvozabonlar o‘zgarmaydi. Oblak bir necha mavsum davomida juda yuqori darajada edi. Ehtimol, u dunyodagi eng yaxshi darvozabon. Shuningdek, Ter Shtegen ham dunyoning eng yaxshi darvozabonlaridan biri. Joriy mavsumda u ham ajoyib o‘ynamoqda,« - dedi Simeone.

«Atletiko» ertaga, 8 may kuni «Barselona» bilan o‘ynaydi.

Agar Madrid klubi kataloniyaliklarga yutqazsa, La Liga turnir jadvalida birinchi o‘rinni yo‘qotadi.