«Атлетико» бош мураббийи Диего Симеоне «Барселона»га қарши Ла Лиганинг 35-туридан олдин ўз фикрлари билан ўртоқлашди.
- Ушбу ўйин чемпионлик учун кураш натижасини ҳал қила оладими?
- Сиз мени узоқ вақтдан бери биласиз. Мен бор эътиборимни фақат эртанги кунга қаратаман. «Барселона» яхши серияга эга бўлди, кўп очколарни олди. Улар яхши ўйнашмоқда, улар биринчи даврада вазиятни ўзгартира олишди. «Барса» ажойиб ишни бажарди. Биз уларга ўз футболимизни кўрсатишга ҳаракат қиламиз.
- Роналд Куманнинг захира ўриндиғида йўқлиги сиз учун афзаллик бўладими?
- Йўқ.
- Ла Лигада ғалаба қозонишнинг калити нима?
- Характер.
- «Барселона»да улар чемпионлик учун кураш фақат ўзларига боғлиқ деб ҳисоблашади.
- Биз ўйиндан ўйинга яхшиланиб борамиз ва ҳар бир ўйинни иштиёқ, оғир босиқлик билан бошлаймиз.
- Бизни дарвозабонларнинг ажойиб дуэльи кутмоқда.
- Энг яхши дарвозабонлар ўзгармайди. Облак бир неча мавсум давомида жуда юқори даражада эди. Эҳтимол, у дунёдаги энг яхши дарвозабон. Шунингдек, Тер Штеген ҳам дунёнинг энг яхши дарвозабонларидан бири. Жорий мавсумда у ҳам ажойиб ўйнамоқда,« - деди Симеоне.
«Атлетико» эртага, 8 май куни «Барселона» билан ўйнайди.
Агар Мадрид клуби каталонияликларга ютқазса, Ла Лига турнир жадвалида биринчи ўринни йўқотади.
