«Bavariya» ustozi Xans-Diter Flik Germaniya terma jamoasiga bosh murabbiy etib tayinlanish imkoniyatini muhokama qilayotganini tasdiqladi, ammo bu u qabul qilgan yagona taklif emasligini aytdi.

«Men haqiqatan ham allaqachon terma jamoaning bosh menejeri Oliver Berxoff bilan gaplashgandim. Ammo, menda boshqa variantlar ham yo‘q emas. Albatta, milliy terma jamoaga murabbiy bo‘lish - bu alohida voqeylik bo‘ladi», - deya Flikning so‘zlaridan iqtibos keltiradi Associated Press.

Eslatib o‘tamiz, Evro-2020dan so‘ng, 2006 yildan beri Germaniya terma jamoasida ishlab kelayotgan Yaxim Lyov lavozimidan ozod etilishi mumkin.

O‘z navbatida Flik «Bavariya» bilan jamoadan mavsum oxirida ketishi to‘g‘risida allaqachon kelishib olgan. Uning o‘rnini esa Yulian Nagelsmann egallaydi.