Bir yildan so‘ng yana «Vest Bromvich» Premyer-ligadan tushib ketdi.

Angliya chempionatining 35-turida «Vest Bromvich Albion» Londonning «Arsenal» jamoasiga 1:3 hisobida imkoniyatni boy berdi va APLning keyingi mavsumida ishtirok etmaydigan bo‘ldi.

Sem Ellardays boshchiligidagi jamoa ushbu mavsumdagi 35 turdan so‘ng 26 ochkoga ega. Mavsum tugashiga uch tur qolganida «qoralar» 17-o‘rindagi «Byornli»dan 10 ochko ortda qolmoqda va bu «Byornli»ga Premyer-ligada qolishga imkon beradi.

Endi, mavsumning so‘nggi 3ta turida faqat g‘alabaga erishsa ham «Vest Brom» Angliya Premyer-ligasidagi o‘rnini saqlab qola olmaydi. «Vest Brom» Angliya futboli elitasiga qaytganidan keyin bir mavsum o‘tib yana quyi ligaga tushib ketdi.

Sem Ellardays jamoasi ligadan rasman tushib ketgan ikkinchi jamoaga aylandi. 18-aprel kuni 32-tur uchrashuvidan so‘ng, «Sheffild Yunayted» ham keyingi mavsumda Premyer-ligada ishtirok etish uchun barcha imkoniyatlarni yo‘qotgan edi.